اكلة النواصر
اكلة النواصر

اكلة النواصر

اكلة النواصر

اكلة النواصر. بعدنا في زمان الوصل بالأندلس 😍 وأكلتنا اليوم أندلسية بامتياز 👌

محمد الناصر بن يعقوب بن يوسف يعتبر رابع أمير بالدولة الموحدية. هي الدولة إسلامية أسستها سلالة أمازيغية بالمغرب. امتد حكم هالدولة على “المغرب ،تونس،الحزائر،ليبيا ،الأندلس” بعد ما أخد الموحدين الحكم من المرابطين. سموا حالن هيك لأنهم بالبداية كانوا حركة إسلامية لتوحيد الله بدون أي اعتبارات مادية حكموا من عام 1121م حتى تقريبا عام 1269م وفعلا وحدوا بلاد المغرب كلها 👍
انتهى حكمهم بالأندلس لما خسروا بمعركة حصن العقاب ضد النصرانيين ..وانتهى حكمهم في باقي أفريقيا على يد المرينيين ..
اللي بهمنا اليوم منهم اسم النواصر ..النواصر تعتبر عملة نقدية صكها محمد الناصر على شكل مربعات ذهبية بفترة حكمه ..
بعد الدولة الموحدية حكمت الدولة الحفصية واللي ضلت تتعامل بهالنواصر كعملة نقدية مؤسسها أبو زكريا لما وصل تونس وجاب معو ضيوف أندلسيين من إشبيلية سكنوا بما يعرف اليوم بحي نهج الأندلس من ضمنهم وحدة حبت تبتكر شي أكلة هيك تجيب الحظ والرزق بما انو يعني كلمة نواصر وزنها من دهب 😉 . جابت الطحين وعجنتو ورقتو وقطعتو مربعات ونشفتو بالشمس وبعدين حطت عليه الزعفران لصار لونه ذهبي متل الدراهم الناصرية بالزبط 👌طبختو عالبخار مع الزبدة وضافت عليه الخضار واللحم ..وسمت هالأكلة النواصر 😊.
لهلأ بتنطبخ بتونس و ببلاد المغرب. تعتبر أكلة بدها تجهيز وتحضير ممكن يمتد لتلت تيام بين رق وتنشيف العجين وقص. بمونوا منها لكل السنة متل ما بعملو بالكسكسي .أنا شبهتها برقائق العجين أو المعكرونة ..معروفة مدينة بنزرت التونسية لهلق إنها بتطبخ عالبخار وهي الأكلة تطبخ عالبخار حصرا 👌 بتونس بيطيبوها او بحلوها 😊 مع الدجاج أو اللحم “العلوش” هيك بسموه بطبخوه مع الخضار وممكن البقوليات متل الحمص وبيطلع فيه صوص لونو احمر بسبب الهريسة اللي هية عبارة عن الحر بحطوا هالحكي كلو عالوش بعد ما تستوي عالبخار 👌

حول chef Gorge

Gorge chef
يارب مشيئتك

تصفح أيضاً

تحضير الخبز (بيتا) اليوناني

تحضير الخبز (بيتا) اليوناني مع  مكونات بسيطة التي عادة ما تكون موجودة في المطبخ ، …

%d مدونون معجبون بهذه: